जन्मभुमि खबर ,
पोखरा ।
सिमलताल दुर्घटनामा बेपत्तामध्ये एक गाडी तनहुँ प्रहरीले फेला पारेको छ ।
वीरगन्जबाट काठमाडौंतर्फ गइरहेको गणपति डिलक्सको भग्नावशेष त्रिशुली नदीको तनहुँ तर्फ भेटिएको हो ।
बागमती प्रदेश–०३–००१ ख २४९५ नम्बरको गणपति बसको भग्नावशेष फेला परेको तनहुँका प्रहरी प्रवक्ता डीएसपी रवीन्द्र खनालले बताए ।
२०८१ असार २८ गते बिहानपख काठमाडौंबाट गौर जाँदै गरेको प्रदेश ०३–००१ ख २४९५ नम्बरको गणपति यातायातको बस र वीरगन्जबाट काठमाडौँ जाँदै गरेको बागमती प्रदेश ०३–००६ ख १५१६ नम्बरको एन्जल डिलक्स बस नारायणगढदेखि २२ किलोमिटर पूर्वोत्तर सिमलतालमा पहिरोमा बग्दै त्रिशूलीमा खसेर बेपत्ता भएको थियो । दुवै बसका ६५ यात्रुमध्ये बस नदीमै पुगे पनि गणपति यातायातको बसमा सवार तीन यात्रु पौडेर माथि आएका थिए । अरु सबै बससँगै बगेका थिए ।
