पोखराबाट लागुऔषध ब्राउन सुगर सहित २ जना पक्राउ परेका छन् ।
पोखरा आउँदै गरेको माइक्रोमा ब्राउन सुगर ओसारपसार भएको सूचनाका आधारमा खानतलासी गर्दा दुई जना पक्राउ परेका हुन् ।
ग १ ख ४४९९ नम्बरको हाइसमा यात्रा गरिरहेका पोखरा ३२ का ३७ वर्षीय विनोद ढकाल र मकवानपुर सक्रेनीका ३८ वर्षीय विकास लामालाई पक्राउ गरिएको प्रहरीले जनाएको छ ।
उनीहरूको साथबाट खैरो हिरोइन ३.८९ ग्राम बरामद भएको प्रहरी प्रवक्ता डीएसपी हरीबहादुर बस्नेतले जानकारी दिए ।
उनका अनुसार दुवै जनालाई लागुऔषध मुद्दामा १५ दिन म्याद थप गरी अनुसन्धान थालिएको छ ।
