राइड सेयरिङ एप बन्दको माग गर्दै यातायात व्यवसायीको प्रदर्शन

‘सार्वजनिक यातायात बचाउ संघर्ष समिति’ले आन्दोलन दोस्रो दिन काठमाडौँको माइतीघरमा कालोझण्डा सहित विरोध र्याली निकाले छन् ।

७ बुँदे मागसहित चरणवद्ध आन्दोलन थालेका यातायात व्यवसायीहरुले विरोध स्वरुप गाडीमा कालो झण्डा राखेका छन् भने निधारमा कालोपट्टी समेत बाँधेका थिए ।

उनीहरुले बागमती प्रदेशका सरकारको सवारी तथा यातायात व्यवस्था ऐन २०७५ को दफा १३ को उपदफा ४ तत्काल खारेज गर्न, राइड सेयरिङ एप तत्काल बन्द गर्नुपर्ने लगायतको ब्यानर बोकेर विरोध गरेका हुन् ।

हिजो आन्दोलनरत व्यवसायीहरुले आन्दोलनको पहिलो चरणअन्तर्गत रिङरोड सडक खण्डमा सार्वजनिक सवारीसाधन सडकमै तेर्साएर विरोध जनाएका छन् ।

उनीहरूले यदि १९ गतेसम्म माग पूरा भएन भने देशभर यातायात बन्द गर्ने सरकारलाई चेतावनी दिएका छन् ।