जन्मभुमि खबर ,
पोखरा ।
प्रधानमन्त्री वालेन्द्र शाहले प्रतिनिधिसभा वैठकमा कालोचश्मा लगाउनुपर्ने कारण खुलाएर संसद सचिवालयलाई पत्र पठाएका छन् । उनले चिकित्सकको रिपोर्टसहितको पत्र पठाएको संसद सचिवालयका प्रवक्ता एकराम गिरीले जानकारी दिए ।
आँखाको समस्याका कारण लगाउनैपर्ने भएमा डाक्टरको रिपोर्ट पेश गर्नुपर्ने उनले भनेका थिए । त्यही बमोजिम प्रधानमन्त्री शाहले सचिवालयलाई पत्र पठाएका हुन् ।
प्रधानमन्त्री शाह भोलि संसद बैठकमा सहभागी हुने कार्यक्रम छ । उनले सांसदहरूले सोधेका प्रश्नको जवाफ दिनेछन् । बैठकमा प्रधानमन्त्री शाह कालो चश्मा लगाएरै आउने भएका छन् । आफूलाई आँखाको सुख्खापनका कारण उज्यालोमा हेर्न समस्या हुने भएकाले कालो चश्मा लगाउनुपरेको प्रधानमन्त्रीले पत्रमा उल्लेख गरेका छन् ।
त्यसमा लेखिएको छ, ‘माननीय प्रधानमन्त्री बालेन्द्र शाहलाई उज्यालो प्रकाशमा हेर्न कठिनाइ हुने समस्याका सम्बन्धमा मैले परीक्षण गरेको छु । परीक्षणका क्रममा उहाँमा ड्राइ आई डिजिज (आँखा सुख्खा हुने समस्या) देखिएको छ । उक्त समस्याका लागि उहाँलाई आवश्यकताअनुसार बारम्बार प्रयोग गर्ने गरी
कार्बोक्सिमिथाइलसेलुलोज ०.५ प्रतिशतको आँखामा हाल्ने ड्रप प्रयोग गर्न सल्लाह दिइएको छ । साथै, उज्यालो प्रकाश भएको वातावरणमा रहँदा समस्या कम गर्न आँखाको सुरक्षाका लागि सनग्लास/चस्मा (शेड्स) प्रयोग गर्न पनि सुझाव दिइएको छ ।’
