जन्मभुमि खबर ,
पोखरा ।
आजदेखी पोखरा रंगशालामा सुरु भएको २३ औं संस्करणको आहा रारा पोखरा गोल्डकपमा आयोजक सहारा क्लबलाई हराउँदै थ्री स्टार क्लब आहारारा गोल्ड कप फुटबलको क्वार्टर फाइनलमा पुगेको छ ।
आज भएको खेलमा थ्री स्टारले आयोजक सहारा क्लबलाई २-१ ले हरायो ।
पोखरा रंगशालामा मंगलबार उद्घाटन खेलमा थ्रीस्टारका योगेश गुरुङले पाँचौ मिनेटमा गोल गर्दै अग्रता दिलाए । सहाराका आशिष गुरुङले २३ औं मिनेटमा गोल गर्दै बराबरी बनाए । खेलको ५९ औं मिनेटमा एञ्जल महर्जनले गोल गर्दै थ्री स्टारको क्वार्टरफाइनल यात्रा सुनिश्चित गरे ।
शनिबार हुने क्वार्टर फाइनलमा थ्री स्टारले भुटानको पारो एफसीसँग खेल्ने छ ।
भोलि बुधबारको खेल त्रिभुवन आर्मी क्लब र राइजिङ स्टार फुटबल क्लब बिच प्रतिस्पर्धा हुनेछ ।
