जन्मभुमि खबर ,
पोखरा ।
तनहुँमा यात्रुबाहक बस दुर्घटना हुँदा ३४ जना घाइते भएका छन् । पृथ्वीराजमार्ग अन्तर्गत तनहुँको व्यास नगरपालिका–१२ कमलाबारीमा शनिबार बिहान बस दुर्घटना भएको हो ।
बस चालकसहित ३४ यात्रु घाइते भएका हुन् । घाइतेको दमौली अस्पताल दमौली, लक्ष्मी अस्पताल डुम्रे, रत्नहरी मेमेरियल हस्पिटल दमौलीमा उपचार भइरहेको छ ।
केही यात्रु प्राथमिक उपचारपश्चात डिस्चार्ज भएका छन् । गम्भिर चोट लागेका घाइतेलाई पोखरा र चितवनको विभिन्न अस्पताल रिफर गरेको डिएसपी खाँणले जानकारी दिए ।
उक्त बस उदयपुरबाट पोखरा आउँदै गरेको थियो ।
