जन्मभुमि खबर ,
पोखरा ।
पोखरामा मोटरसाइकल चोरीमा संलग्नलाई कास्की प्रहरीले पक्राउ गर्न सफल भएको छ ।
पोखरा ३३, बाघमारा–कालिका भित्री सडकखण्डमा १८ वर्षका ३ जना बालकहरुलाई प्रहरीले मोटरसाइकल चोरी गरेको आरोपमा बुधबार पक्राउ गरेको हो । उनीहरु नावालक भएकोले प्रहरीले नाम सार्वजनिक गरेको छैन । प्रहरीले उनीहरुको साथबाट ३ थान मोटरसाइकल बरामद गरेको जनाएको छ ।
जिल्ला अदालतबाट चोरी तथा डाँकासम्बन्धी मुद्दामा ५ दिनको म्याद थप गरी अनुसन्धान प्रक्रिया अघि बढाइएको जिल्ला प्रहरी कार्यालय कास्कीका प्रवक्ता प्रहरी नायव उपरीक्षक श्रवणकुमार बिकले जनाए ।
मंगलबार राति पोखरा २९ बाट ग ९ प ७४२५, ग ९ प २६३० र ग १६ प ९००६ नम्बरको मोटरसाइकल चोरी भएपछि पीडितले प्रहरीलाई खबर गरेका थिए । तिनै नम्बरका मोटरसाइकल प्रहरीले तिनै बालकहरुबाट बरामद गरेको हो ।
