प्रतिनिधिसभा सदस्य उपनिर्वाचनअन्तर्गत तनहुँ–१ मा राष्ट्रिय स्वतन्त्र पार्टीका उम्मेदवार स्वर्णिम वाग्लेले फराकिलो अग्रता लिएका छन् ।
अहिले बिहान ६ बजेसम्म ९ हजार २ सय ५७ मतगणना हुँदा वाग्लेले ५ हजार १९ मत पाएका छन् । दोस्रो स्थानमा नेपाली कांग्रेसका गोविन्द भट्टराईले २ हजार ३ सय ५१ मत पाएका छन् ।
एमालेका सर्वेन्द्र खनाल १ हजार ५ सय ४९ मतका साथ तेस्रो स्थानमा छन् । अहिलेसम्म भानु नगरपालिकाको ३, ७, ८, १० र आँबुखैरेनी गाउँपालिका-१ र २ को गणना सकिएको छ ।
