जन्मभुमि खबर ,
पोखरा ।
पोखराको महेन्द्रपुलमा कार अनियन्त्रित हुँदा २ जना घाइते भएका छन् । कारको ठक्करबाट सडकमा पैदल यात्र गरिरहेका आमाछोरा घाइते भएको कास्की प्रहरीका इन्स्पेक्टर ज्ञान खड्काले बताए ।
महेन्द्रपुलको पुलमै ग ३ च २६६२ नम्बरको कारले ठक्कर दिँदा म्याग्दीको धौलागिरी गाउँपालिका वडा नम्बर ३ घर भएका फुलमाया विक र उनका छोरा १८ वर्षीय विष्णु विक घाइते भएको इन्स्पेक्टर खड्काले बताए ।
महेन्द्रपुलका पुल नजिकै पैदल यात्र गरिरहेका उनीहरु आमा गम्भिर घाइते भएपनि छोराका अवस्था सामान्य छ । उनीहरु दुवैको पश्चिमाञ्चल क्षेत्रिय अस्पतालमा उपचार भइरहको इन्स्पेक्टर खड्काले बताए ।
कार पुलको रेलिङकै कारण सेती नदीमा खस्नबाट बचेको थियो । गाडी चालक तनहुँ शुक्लागण्डकीका चन्द्रबहादुर थापा प्रहरी नियन्त्रणमा छन् ।
गाडीलाई क्रेनको सहायताले निकालेर जिल्ला प्रहरी कार्यालयमा पुर्याइएको छ ।
