जन्मभुमि खबर ,
पोखरा ।
पोखराको पृथ्वीचोकमा आज बसको ठक्करबाट एक जनाको मृत्यु भएको छ । पोखरा ९ पृथ्वीचोकमा स्कुटर दुर्घटना हुँदा लेखनाथ बुढीबजारकी २७ वर्षकी रेजिना आचार्यको मृत्यु भएको जिल्ला ट्राफिक कार्यालय कास्कीका प्रवक्ता एवं प्रहरी वरिष्ठ नायव निरीक्षक शिवप्रसाद पाठकले जानकारी दिए ।
रेजिना पोखरा बुद्धचोकबाट पृथ्वीचोक तर्फ आउँदै थिइन् । रेजिनाले चलाएको गरेको ग १५ प २४७६ नम्बरको स्कुटरलाई ना ८ ख ५२५१ नम्बरको बसले ठक्कर दिँदा स्कुटर चालक आचार्यको मृत्यु भएको इन्पेक्टर खड्काले बताए । घाइते आचार्यको पश्चिमाञ्चल सामुदायिक अस्पतालमा उपचारको क्रममा मृत्यु भएको हो ।
दुर्घटनापछि बस चालक लमजुङका ३१ वर्षीय सुनिल नेपाली आफै ट्राफिक प्रहरी कार्यालयमा पुगेर आत्मसमर्पण गरेका थिए । उनी अहिले प्रहरी नियन्त्रणमा छन् ।
