जन्मभुमि खबर ,
पोखरा ।
पोखरा भ्रमणमा आउने पर्यटकहरूलाई होटल मिलाइदिने भन्दै हैरान बनाउनेहरूलाई आइतबार प्रहरीले पक्राउ गरेको छ । अनावश्यक हैरानी दिएको आरोपमा ५ जना पक्राउ परेका हुन् ।
कास्की प्रहरीले पृथ्वीचोक, सभागृहचोक र सृजनाचोक क्षेत्रमा सञ्चालन गरेको स्वीप अप्रेसनका क्रममा ती व्यक्तिहरूलाई नियन्त्रणमा लिएको हो ।
पोखरामा आउने पाहुनाहरूको सुरक्षा र सहजतालाई मध्यनजर गर्दै पक्राउ गरिएको कास्की प्रहरी सूचना अधिकारी डीएसपी वीरेन्द्र कुमार पासवानले जानकारी दिए ।
सबै जनामाथि अनुसन्धान तथा कानुनी कारबाहीको प्रक्रिया अगाडि बढाइएको पासवानले बताए ।
