जन्मभुमि खबर ,
पोखरा ।
फर्निचर तथा फर्निसिङ व्यवसायी महासंघको ११ औं स्थापना दिवसको अवसरमा रक्तदान कार्यक्रममा भएको छ । फर्निचर तथा फर्निसिङ व्यवसायी संघ कास्की प्रदेश समन्वय समिति र गण्डकी प्रदेशको आयोजनामा कार्यक्रममा भएको हाे।
कार्यक्रममा ५१ युनिट रगत संकलन गरिएको कास्कीका महासचिव परमेश्वर दवाडीले जानकारी दिए । रक्तसंञ्चार सेवा गण्डकीको प्राविधिक सहयोगमा कार्यक्रम भएको हो ।
दर्ता नगरी सञ्चालन गरिएका फर्निचर उद्योगका कारण समस्या परेको दवाडीको भनाइ छ । प्लाई र फर्निचरका कच्चा पदार्थको मूल्यवृद्धिले उद्योग प्रभावित भएको उनले बताए ।
‘पोखरा महानगरले कर महंगो लिएको छ । वार्षिक १२ हजार रुपैयाँ कर तिछौं । साना उद्योगीका लागि यो ठूलो भार हो । व्यवसायको आकारका आधारमा कर निर्धारण हुनुपर्छ,’ उनले भने । बिहीबार महतगौंडा स्थित हरिहर मन्दिर परिसरमा वृक्षरोपण तथा गोडमेल गरिने उनले जानकारी दिए ।
मल्ल फर्निचरका सञ्चालक तथा संघका सल्लाहकार श्यामकुमार मल्ले २० औं पटक रक्तदान गरेको बताए । रक्तदान गर्नु पुण्यको काम रहेको उनको भनाइ छ । ‘रक्तदान भनको लिने दिने काम हो । स्वस्थ रहुन्जेल रक्तदान गनुपर्छ । भोली आफुलाई चाहिएको बेलामा पाउन सकिन्छ । रक्तदानप्रति सकारात्मक सचेतना जोगाउन आवश्यक छ,’ उनले भने ।
गण्डकीका अध्यक्ष हिरामणी पण्डितले स्वागत मन्तव्य राखेका थिए भने धन्यवाद ज्ञापन कास्कीका वरिष्ठ उपाध्यक्ष रामजीप्रसाद तिवारीले गरेका थिए । संघमा कास्कीका ५०० वटा फर्निचर उद्योग समावेश छन् ।
