जन्मभुमि खबर ,
पोखरा ।
पृथ्वी राजमार्ग अन्तर्गत धादिङको गल्छीमा माइक्रोबस दुर्घटना हुँदा १२ यात्रु घाइते भएका छन् ।
काठमाडौंबाट नारायणगढ जाँदै गरेको बा २ ख २८२९ नम्बर को हाईस धादिङ जिल्ला गल्छि गाउँपालिका ७ गल्छिमोडमा दुर्घटना भएको हो ।
दुर्घटनामा चालक सहित १२ जना घाइते भएको इलाका प्रहरी कार्यालय गजुरिका प्रहरी प्रमुख डिल्लीनारायण पाण्डेले जानकारी दिनुभयो । घाइतेहरु मध्य ७ जनालाई सामान्य उपचार पछि थप उपचारका लागि काठमाडौं पठाइएको छ ।
अन्यको भने स्थानीय अस्पतालमा उपचार भइरहेको बताइएको छ ।
