नाबालिका बलात्कारको जाहेरी परेपछि नेपाली राष्ट्रिय क्रिकेट टोलीबाट निलम्बित सन्दीप लामिछानले आफू निर्दाेष रहेको दाबी गर्दै छिट्टै नेपाल फर्किएर कानुनी प्रक्रियालाई सघाउने बताएका छन् ।
सामाजिक सञ्जालमार्फत एक वक्तव्य जारी गर्दै सन्दीपले सीपीएलबाट आफूले बिदा लिने निर्णय गरेको र केही दिनमै नेपाल फर्केर कानुनी प्रक्रियामा सघाउने बताएका हुन् ।
सन्दीप हाल क्रिकेट खेलकै लागि देशबाहिर छन् । उनले निराधार आरोपको सामना गर्न तयार रहेको र निष्पक्ष छानबिन हुनेमा आशावादी रहेको पनि बताएका छन् । कानुन सबैका लागि बराबरी हुनेमा पनि आफू विश्वस्त रहेको लामिछानेले बताएका छन् ।
कानुनले आफूलाई निर्दाेष सावित गर्ने उनको जिकिर छ । एक नाबालिकाले आफूमाथि सन्दीपले बलात्कार गरेकाे जाहेरी प्रहरी वृत्त गाैशालामा दिएकी छन् । जाहेरी परेपछि अदालतले सन्दीपका नाममा पक्राउ पुर्जी जारी गरेकाे छ । नेपाल क्रिकेट संघ क्यानले लामिछानेलाई बिहीबार निलम्बन गरेकाे थियाे ।
