जन्मभुमि खबर ,
पोखरा ।
नेपालगन्जबाट काठमाडौँ जाँदै गरेको बस चितवनमा दुर्घटना हुँदा २५ जना घाइते भएका छन् ।
नेपालगन्जबाट काठमाडौँ जाँदै गरेको लु।प्र ०३-००१ ख ००७७ नम्बरको बस आइतबार (आज) बिहान ४:३० बजेतिर नारायणगढ-मुग्लिन सडकअन्तर्गत सेतीदोभान पुलबाट खसेको हो ।
दुर्घटनामा बसमा सवार ३० जनामध्ये २५ जना घाइते भएको जिल्ला प्रहरी कार्यालय चितवनका प्रहरी प्रवक्ता डीएसपी ज्ञान कुमार महतोले जानकारी दिए ।
घाइते हुनेहरुमा दैलखकी ३० वर्षीया निशा शाही (अनुहारमा चोट, अवस्था मध्यम), बर्दिया मधुवनका ४१ वर्षका सेतु बहादुर घर्ती मगर (अनुहारमा चोट, अवस्था मध्यम), बर्दिया बाँसगढीकी ३० वर्षकी गिता राउत ओली (बायाँ खुट्टामा भित्री चोट, अवस्था मध्यम), राप्ती सुनारीकी ३८ वर्षीया पार्वती राजकोटी (अनुहारमा चोट, अवस्था मध्यम) र बर्दिया बाँसगढीका ३९ वर्षका दिनेश बहादुर रिजाल (अनुहारमा चोट, अवस्था मध्यम) रहेको चितवन प्रहरी प्रवक्ता डिएसपी ज्ञान कुमार महतोले जानकारी दिए।
यस्तै, नुवाकोटकी २३ वर्षीया रञ्जना महत्तो (सामान्य अवस्था),बाँकेका ३१ वर्षका राम लखन चौधरी (टाउकोमा बाहिरी चोट, अवस्था मध्यम), नुवाकोट बिदुरकी २८ वर्षकी प्रियना तामाङ (टाउकोमा बाहिरी चोट, अवस्था मध्यम), बाँके कोहलपुरका ३८ वर्षका पूर्णबहादुर मल्ल (अनुहारमा चोट, अवस्था मध्यम, बोल्न सक्ने), बाँकेकी २५ वर्षकी पूजा कठायत (अनुहार र टाउकोमा चोट, बोल्न सक्ने) र सोही स्थानकी ३४ बर्षकी राधा शाही (बाहिरी चोट देखिएको छैन, अवस्था मध्यम) रहेको प्रहरीले जनाएको छ।
यस्तै, बर्दियाका ३१ वर्षका एमन राना (घुँडामा चोट, अवस्था सामान्य), बाँकेका ३५ वर्षका दिल कुमारी मगर (निधारमा चोट, बोल्न सक्ने, अवस्था सामान्य), सोही स्थानका १४ वर्षका अभिषेक मगर (अनुहारमा चोट, अवस्था सामान्य, बोल्न सक्ने), १२ वर्षकी अस्मी मगर (बायाँ हातमा चोट, अवस्था सामान्य), बाँके कोलपुरका १७ वर्षका मनन बुढा क्षेत्री (अनुहारमा चोट, अवस्था मध्यम), कैलाली लम्कीचुवाका १८ वर्षका महेश कठायत (अनुहारमा चोट, अवस्था मध्यम), सोही स्थानका ६९ वर्षका नक्खी बुढा मगर (गालामा चोट, अवस्था सामान्य) र सुर्खेत वीरेन्द्रनगरका ३७ वर्षका रमेश चौधरी ( अवस्था सामान्य) रहेको प्रहरीले जनाएको छ।
यस्तै, बर्दियाका नेपालगञ्जकी ३९ वर्षीया रिता घर्ती, काठमाडौँ चन्द्रागिरीका ५० वर्षका पारस पाण्डे, सुर्खेत चिनगाडका २४ वर्षका दुर्गा बहादुर साउद रहेका छन्। यस्तै बस चालक बाँके कोहलपुरका २७ वर्षका राजन गिरी, बस स्टाफ ५१ वर्षका इन्द्रबहादुर थापा मगर, बस स्टाफ सल्यानका २५ वर्षका सुजन खत्री रहेको चितवन प्रहरीले जनाएको छ।
