जन्मभुमि खबर ,
पोखरा ।
पृथ्वी राजमार्गअन्तर्गत धादिङको गल्छी नजिकै पहिरोले एउटा कार खोलामा खसेको छ भने एउटा यात्रु बसमा क्षति पुगेको छ । पहिरोले राजमार्ग अवरुद्ध बनेको छ ।
गल्छी गाउँपालिकाको चिरौँदी पुल नजिक खसेको पहिरोले एउटा कार सडक बाट तल खोलामा खसालेको हो भने अर्को यात्रु बसमा सामान्य क्षति भएको गजुरीका डीएसपी डिल्लीनारायण पाण्डेले जानकारी दिए ।
पहिरोले झारेको कारमा रहेका ४ जना घाइते छन् । उनीहरुलाई उद्धार गरिँदै छ ।
एआर ०११ ७९ नम्बरको भारतीय बस हो भने कारको नम्बर खुलेको छैन ।
लगातारको वर्षासँगै आएको पहिरोको कारण सडक अवरुद्ध हुँदा काठमाडौं प्रवेश गर्ने र बाहिरिने सवारी साधन रोकिएका छन् । निर्माणाधीन सडक आयोजनाको मेसिनको प्रयोग गरी पहिरो पन्छाउन थालिएको प्रहरिले जनाएको छ ।
