जन्मभुमि खबर ,
पोखरा ।
स्याङ्जाको वालिङमा अटो दुर्घटना हुँदा १६ महिने शिशुको मृत्यु भएको छ ।
दुर्घटनामा रुपन्देहीको तिलोत्तमा नगरपालिका– १० कान्छीबजार बस्ने ओम बहादुर लम्साल क्षेत्रीको छोरी १६ महिनाकी कायरा क्षेत्रीको मृत्यु भएको जिल्ला प्रहरी स्याङ्जाले जनाएको छ ।
वालिङ नगरपालिका– १ खहरेस्थित भित्री कच्ची सडक खण्डमा रामबाच्छाबाट खहरेतर्फ जादैँ गरेको लु १ ह ३६८३ नम्बरको अटो अनियन्त्रित भइ दुर्घटना भएको थियो ।
अटो दुर्घटनामा घाइते भएकी शिशुको उपचारका क्रममा गह्रौँ प्राथमिक अस्पताल वालिङमा मृत्यु भएको प्रहरीले जनाएको छ ।
अटोमा सावर चालकसहित चार जना रहेकोमा बालिकाको मृत्यु भएपनि अन्यलाई केही नभएको बताइएको छ ।
अटो र अटो चालकलाई प्रहरीले नियन्त्रणमा लिइ घटनाको सम्बन्धमा आवश्यक अनुसन्धान गरिरहेको जनाएको छ ।
