जन्मभुमि खबर ,
पोखरा ।
लगातार आज सोमबार पनि सुनको मूल्य घटेको छ ।
सोमबार बजारमा छापावाल सुन तोलामा एक सय रुपैयाँले घटेर १ लाख ७ हजार ९ सय रुपैयाँ कायम भएको छ । भने, तेजाबी सुन प्रतितोला १ लाख ७ हजार ४ सय रुपैयाँमा कारोबार भइरहेको छ । अघिल्लो दिन आइतबार मात्रै तोलामा आठ सय रुपैयाँले घटेर १ लाख ८ हजार रुपैयाँमा कारोबार भएको थियो ।
त्यसैगरी, नेपाल सुनचाँदी व्यवसायी महासंघका अनुसार आज चाँदी तोलामा २० रुपैयाँले घटेर १ हजार ३४० रुपैयाँ कायम भएको छ ।
