जन्मभुमि खबर ,
पोखरा ।
पर्वतको कुश्मा नगरपालिका-७ मा रहेको तमादी खोलामा जीपसहित बेपत्तामध्ये एकजनाको शव भेटिएको छ ।
झण्डै ७ सय मिटर तल जीपका पार्टपूर्जा छरिएको र मुख्य भाग बाढीले पुरिएको अवस्थामा शव भेटिएको जिल्ला प्रहरी कार्यालय पर्वतले जनाएको छ ।
जीपमा सवार भनिएका ३ जना मध्ये २ जनाको विवरण खुलेको छ ।
जीपमा सवार मध्ये रुपन्देही घर भएका गोपाल वस्नेत र कास्की घर भएका विजय पौडेलको पहिचान भएको छ । हालसम्म तिलोत्तमा ९ रुपन्देही घर भएका ३४ बर्षिया गोपाल बस्यालको शव फेला परेको छ । शवलाई पर्वत अस्पतालमा राखिएको छ ।
बागलुङबाट पोखरा आउँदै गरेको ग. १ ज ६२१३ नम्बरको जीप शनिबार साँझ तमादी खोलाले बगाएको थियो ।
