जन्मभुमि खबर ,
पोखरा
पाेखरामा करिब २४ ताेला सुनसहित एक महिला पक्राउ परेकी छन् ।
ति महिला पोखरा पृथ्वीचाेकबाट एक पक्राउ परेकी हुन । काठमाडौंबाट पोखरा आएको ग १ ख ९९४४ नम्बरको बस चेकजाँच गर्ने क्रममा वडा प्रहरी कार्यालय वैदामले कल्पना गुरुङलाई पक्राउ गरेको हो ।
झापा बिर्तामोड नगरपालिका- १ घर भई हाल काठमाडौंको जोरपाटी बस्ने ४५ वर्षीया कल्पना गुरुङलाई प्रहरीले पक्राउ गरेकाे हाे ।
उनकाे साथबाट छातीमा सेतो टेपले बेरेर भित्री बस्त्रमा लुकाएकाे अवस्थामा सुनजस्तो देखिने पहेँलो बिस्कुट आकारको धातु र औँठी बरामद भएकाे हाे । बरामद सुनकाे अन्दाजी २८० ग्राम २९ मिलीग्राम रहेको जसमा सुन नै प्रमाणित भए करिव २४ तोला रहेको वडा प्रहरी कार्यालय बैदामका डिएसपी बेद जोशीले जानकारी दिए ।
