जन्मभुमि खबर ,
पोखरा ।
अनलाइन सट्टेबाजी गराउने वान एक्स बेटको प्रचार गरेको अभियोगमा पक्राउ परेका कलाकार मरिचमान श्रेष्ठ (बल्छी धुर्वे), राजु पौडेल (राजु मास्टर) सहितका कलाकार धरौटीमा रिहा भएका छन् ।
जिल्ला अदालत काठमाडौंले उनीहरूलाई ५ हजार धरौटीमा रिहा गर्न आदेश दिएको थियो । प्रहरीले श्रेष्ठ र पौडेल सहितका युट्युबर एवं कलाकारहरू जलन घर्तीमगर, अलिश राई, गणेश देवकोटा (जिडी), बेगम नेपाली (भटभटे माइला), मरिचमान श्रेष्ठ (बल्छी ध्रुबे), राजु पौडेल (राजु मास्टर), सरोज घिमिरे (ढेडु बुढो), रोशन खतिवडा (पिके भाइन्स- पवन खतिवडा) पक्राउ परेका थिए। वान एक्स बेटको प्रचार गरेको आरोपमा पक्राउ गरेको थियो ।
त्यस्तै सट्टेबाजी गराउने एजेन्ट भनिएका दिनेश खड्का र अनिता धितालसँग भने अदालतले १० लाख धरौटी मागेको छ ।
