जन्मभुमि खबर ,
पोखरा ।
पोखरा वडा नम्बर १४ चाउथेमा जीपले ठक्करलाई दिँदा स्कुटरमा सवार एकजनाको मृत्यु भएको छ भने एकजना घाइते भएका छन् । बिहीबार आज बिहान पौने ५ बजेतिर ग २ च ३१७९ नम्बरको बोलेरो जीपले ग ८ प ५८३८ नम्बरको स्कुटरलाई ठक्कर दिँदा ३४ वर्षिय प्रज्वल गुरुङ र ३० वर्षिय बिमल गिरी घाइते भएको प्रवत्ता डिएसपी श्रवणकुमार विकले जानकारी दिए । घाइते भएपछि पश्चिमाञ्चल क्षेत्रीय अस्पताल लगिएकोमा गुरुङको उपचारको क्रममा आज बिहान ५:११ बजे मृत्यु भएको विकले बताए ।
उनका अनुसार गिरीको उपचार भइरहेको छ । वडा प्रहरी कार्यालय रामबजारले दुर्घटनापछि जीपसहित चालकलाई नियन्त्रणमा लिएर अनुसन्धान अगाडि बढाएको छ ।
