जन्मभुमि खबर ,
पोखरा ।
पोखरा २२ पुम्दी-भुम्दि ,ठुलिबिडिमा विभिन्न सामाजिक कार्यमा सक्रिय परिवर्तन युवा क्लब द्दारा नयाँ वर्ष २०८० को उपलक्ष्यमा ” अनुशासन,पर्यटन प्रबर्द्धन र सामाजिक सदभाव सहित , स्वास्थको लागि खेलकुद ” भन्ने मुल नारा सहित आयोजित प्रथम खुल्ला पुरुष भलिबल प्रतियोगिता शनिबार सम्पन्न भएको छ । वैशाख १ गते गण्डकी प्रदेशका सांसद माननीय प्रकाश बराल द्दारा उदघाटन भएको सो कार्यक्रममा जम्मा १२ टिम सहभागी भएका थिए ।
यस्ता प्रतियोगिता हरुले युवाहरूमा लुकेर रहेका प्रतिभा बाहिर निकाल्दै युवाहरूलाई सामाजिक कार्यमा सक्रिय बनाउने पनि माननीय प्रकाश बरालले बताउनुभयो ।
उक्त प्रतियोगितामा भुपु गाईज (मट्टिखान ) प्रथम र आयोजक (परिवर्तन युवा क्लब ) द्दितिय भएको थियो । प्रथम हुने टिमले ४०,००० नगद,शिल,मेडल र प्रमाणपत्र ,द्दितिय हुने टिमले २०,००० नगद,शिल,मेडल र प्रमाणपत्र प्राप्त गरे भने आयोजक टिमकै बलराम गुरुङ सर्वोत्कृष्ट खेलाडी घोषित भए । 
क्लबका अध्यक्ष कमल बरालको अध्यक्षता भएको सो कार्यक्रमको संचालन टंकराज पौडेल गरेका थिए भने वडा नम्बर २२ का वडा अध्यक्ष हिमलाल बराल, नेपाली काङ्ग्रेसका सभापति होमप्रसाद बराल, वडा नम्बर २२ एमाले अध्यक्ष राजेन्द्र बराल,वडा नम्बर २२माओवादी केन्द्र अध्यक्ष नमराज बराल,जिल्ला समन्वय अधिकारी नमराज बराल,सशस्त्र प्रहरीका डिएसपी दिपकराज बराल, लगायतका वक्ता हरुले कार्यक्रमको सफलताको शुभकामना सहित आफ्ना भनाईहरु राखेको कार्यक्रमका संयोजक सुदिप बरालले जानकारी दिए ।
