जन्मभुमि खबर ,
पोखरा ।
पोखराको फेवातालमा पौडी खेल्ने क्रममा डुबेर एक बालकको ज्यान गएको छ ।
आज बिहान ११ः१५ बजे पोखरा १८ खपौदीस्थित फेवातालमा पौडी खेल्ने क्रममा बेपत्ता भएका १० वर्षीय आरेस लामाको मृत्यु भएको हो । लामा खपौदीकै हुन् ।
सशस्त्र प्रहरी नायव निरीक्षक ताराचन्द्र शर्माको कमान्डमा सातजनाको गोताखोरसहितको टोली घटनास्थलमा पुगेर खोजी गरेको थियो । गोताखोरले १८ फिट गहिराइबाट बालकलाई अचेत अवस्थामा बाहिर निकालेका थिए ।
उनलाई तत्काल उपचारका लागि पश्चिम क्षेत्रीय गण्डकी अस्पताल, पोखरा १० रामघाट पठाइएकोमा उपचारको क्रममा दिउँसो १२ः१५ बजे चिकित्सकले मृत घोषणा गरेका थिए ।
