जन्मभुमि खबर ,
पोखरा ।
तनहुँमा दाउरा काट्न रुख चढ्दा खसेर एक जनाको मृत्यु भएको छ ।
मृत्यु हुनेमा भीमाद नगरपालिका–५ मिर्छुलुङ आमडाँडाका ६५ वर्षीय मनहर्ष राना रहेका छन् ।
उनी आफ्नै बारीमा दाउरा काट्न चिलाउने रुखमा चढदा खसेर घाइते भएको जिल्ला प्रहरी कार्यालय तनहुँका सूचना अधिकारी डिएसपी मोहनबहादुर खाँणले बताए ।
घाइते उनको उपचारका लागि भीमाद स्वास्थ्य चौकी ल्याइएको थियो । उपचारका क्रममा मृत्यु भएको डिएसपी खाँणले जानकारी दिए ।
उनका अनुसार घटनाको थप अनुसन्धान भइरहेको छ ।
