जन्मभुमि खबर ,
पोखरा ।
पोखरा १६ जोगीमणीमा दुई जना चिनियाँ नागरिकलाई कुटपिट गरी लुटपाट गर्ने गिरोहलाई कास्की प्रहरीले नियन्त्रणमा लिएको छ ।
प्रहरीले अनुसन्धानका क्रममा शनिबार दिउँसो १२ बजेतिर पोखरा–५ प्रस्याङबाट लुटपाटमा संलग्न चार जनालाई पक्राउ गर्न सफल भएको छ। पक्राउ पर्नेहरूमा पोखरा–२३ पामे बस्ने २१ वर्षीय रोशन सुनार, धादिङ घर भई हाल फिर्के बस्ने १८ वर्षीय आरुस तामाङ, अन्नपूर्ण गाउँपालिका–१० घर भई हाल प्रस्याङ बस्ने १८ वर्षीय अनिष परियार र पोखरा–२१ घर भई हाल प्रस्याङमै बस्ने १८ वर्षीय अर्पन सुनार रहेका छन्।
कास्की प्रहरीका सूचना अधिकारी एवं प्रहरी नायब उपरीक्षक हरी बहादुर बस्नेतका अनुसार पक्राउ परेका युवाहरूमाथि थप कानुनी कारबाहीको प्रक्रिया अगाडि बढाइएको छ।
