जन्मभुमि खबर ,
पोखरा ।
महालेखा परीक्षकको कार्यालयले बुधबार प्रकाशित गरेको प्रतिवेदनअनुसार
६ वटा महानगरमध्ये सबैभन्दा धेरै बेरुजु पोखराको देखिएको छ । भरतपुर महानगरको बेरुजु सबैभन्दा कम बेरुजु छ । महालेखा परीक्षकको कार्यालयले सार्वजनिक गरेको आर्थिक वर्ष २०७८/७९ को प्रतिवेदनमा भरतपुर महानगरको बेरुजु शून्यजस्तै छ ।
कार्यालयको ६१औँ वार्षिक प्रतिवेदनमा महानगरको बेरुजु शून्य दशमलव ०१ प्रतिशतमात्रै छ । जुन रकमको हिसाबले पाँच लाख १५ हजारमात्रै हो । प्रतिवेदनअनुसार उक्त आवमा ८ अर्ब ५० करोड ९२ लाख ८७ हजारको लेखापरीक्षण गरिएको थियो ।
सबैभन्दा बढी पोखरा महानगरको बेरुजु छ । महालेखाको प्रतिवेदनअनुसार पोखराको ७ दशमलव ९८ प्रतिशत अर्थात् ७९ करोड २३ लाख ७५ हजार बेरुजु छ ।
काठमाडौं महानगरको बेरुजु एक दशमलव ११ प्रतिशत अर्थात् २५ करोड ७० लाख ३४ हजार छ । यस्तै वीरगञ्जको सात दशमलव १४ प्रतिशत अर्थात् ५७ करोड ९४ लाख ८२ हजार, विराटनगरको एक दशमलव ०३ प्रतिशत अर्थात् ७ करोड ११ लाख ५३ हजार र ललितपुरको शून्य ४६ अर्थात् ४ करोड ५१ लाख बेरुजु छ ।
यस्तो छ महानगरपालिकाहरूको बेरुजु प्रतिशत (हजारमा)
विराटनगर ०.३२ प्रतिशत २०,८५७
वीरगन्ज ३.६२ प्रतिशत २,२७,५०७
ललितपुर ०.५२ प्रतिशत ५५,५२१
काठमाडौं २.४७ प्रतिशत ६,८०,२३६
भरतपुर ०.९० प्रतिशत १,००,२७९
पोखरा ३.७४ प्रतिशत ५,०४,३०९
