जन्मभुमि खबर ,
पोखरा ।
पोखरामा रहेको विन्दवासिनी सहकारीको रकम हिनामिना आरोपमा थप एक जना पक्राउ परेका छन् । प्रहरीले सहकारीका पूर्व लेखा समिति सदस्य हरिप्रसाद अधिकारीलाई पक्राउ गरेको हो ।
उनलाई बुधबार अदालतमा उपस्थित गराएको छ । विन्ध्यावासिनी सहकारी ठगी मुद्दामा हालसम्म १७ जना पक्राउ परेका छन् भने अझै १४ जना फरार रहेका प्रहरीले जनाएको छ ।
उनीहरुको खोजी भैरहेको कास्की प्रहरी प्रवक्ता डीएसपी बसन्तकुमार शर्माले जानकारी दिए । मंगलबार पनि सञ्चालक समितिका सचिव किरण कपाली र पूर्व लेखा समिति संयोजक बुद्दिसागर ढकाललाई पक्राउ गरिएको थियो ।
