जन्मभुमि खबर ,
पोखरा ।
बिहीबार दिउँसो फेवातालमा अचानक आएको हावाहुरीको कारण डुंगा दुर्घटना भएको छ ।
सशस्त्र प्रहरीका अनुसार कायक बोट पल्टिँदा दुर्घटनामा परेकी एक जनाको सकुशल उद्धार गरिएको छ ।
काठमाडौँ महानगरपालिका- १७ सामाखुसी बस्ने २५ वर्षीया अग्नि देवकोटा तालमा खसेकी थिइन् ।
उनलाई फेवाताल बाराहीघाटस्थित सशस्त्र प्रहरीको रेस्क्यु वाच टावरमा खटिएको विशेष उद्धार तथा गोताखोर टोलीले तत्कालै सकुशल उद्धार गरी किनारमा ल्याएको सशस्त्र प्रहरीका प्रवक्ता डीएसपी शैलेन्द्र थापाले बताए ।
थापाका अनुसार उनको अवस्था हाल सामान्य छ ।
