जन्मभुमि खबर ,
पोखरा ।
यहि चैत्र ११ र १२ गते लेखनाथकाे बेगनासतालमा सञ्चालित प्रथम राष्ट्रिय ड्रागन बोट रेसको उपाधी वाटर स्पोर्ट्स नेपाल र नेपाल र्यार्फ्टिङ एजेन्सी एसाेसिएसन (नारा) ले हात पारेकाे छ । साेमबार सम्पन्न ५ सय मिटरतर्फकाे प्रतिष्पर्धामा १ मिनेट ५७ सेकेण्डमा निर्धारित दुरी पार गर्दै प्रथम स्थान हासिल गर्न सफल भएकाे छ ।
प्रतियाेगितामा नेपाल र्याफ्टिङ एजेन्सी एसाेसिएसन (नारा) द्वित्तीय, विभागीय टिम नेपाली सेना तृतीय र बेगनासताल डुंगा व्यवसायी समितिकाे समूह सान्त्वना भएकाे छ ।
२ सय मिटरतर्फकाे प्रतिष्पर्धामा नेपाल र्याफ्टिङ एसाेसिएसन (नारा) काे समूह प्रथम, वाटर स्पोर्ट्स नेपाल द्वितीय, हर्पन फेवा मत्स्य सहकारीकाे जलारी समूह तृतीय, खास्टे न्युरेनी मत्स्य सहकारीकाे समूहले सान्त्वना स्थान हासिल गरेकाे छ ।
यस्तै महिलाहरुतर्फ ५ सय मिटरकाे प्रतिष्पर्धामा बेगनासताल डुंगा व्यवसायी समितिकाे समूह प्रथम हुन सफल भएकाे छ भने बेगनासताल मत्स्य व्यवसायी समितिकाे समूह द्वित्तीय र जलारी दिदी बहिनी समुह, फेवा तृतीय भएकाे छ ।
महिलाहरुतर्फकै २ सय मिटरकाे प्रतिष्पर्धामा बेगनासताल मत्स्य व्यवसायी समितिकाे समूह प्रथम हुन सफल भएकाे छ भने बेगनासताल डुंगा व्यवसायी समितिकाे समूह द्वित्तीय र जलारी दिदी बहिनी समुह, फेवा तृतीय भएकाे छ ।
प्रतियोगितामा पाँच सय मिटरमा प्रथम हुनेले दुई लाख, द्धितिय हुनेले एक लाख ५० हजार र तृतिय हुनेलाई ७५ हजार र दुई सय मिटरमा प्रथम हुनेलाई एक लाख द्धितियलाई ५० हजार र तृतियलार्ई रु. २५ हजार पुरस्कार प्रदान गरिनेछ ।
पोखरा महानगरपालिका, नेपाल पर्यटन बोर्डको आयोजना र होटल तथा रेष्टुरेण्ट एशोसियसन लेखनाथ र ड्रागन बोर्ड एशोसियसन गण्डकी प्रदेशको सह आयोजनामा आइतबारबाट शुरु भएकाे प्रतियाेगिताकाे युवा तथा खेलकुद मन्त्री विराजभक्त श्रेष्ठले उद्घाटन गरेका थिए ।
