थप ६ जनामा कोरोना भाइरस संक्रमण पुष्टि भएको छ।
पछिल्लो २४ घन्टामा परीक्षण गरिएका ८८७ नमूनामध्ये ६ को रिपोर्ट पोजिटिभ आएको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार ४३६ नमूनाको पीसीआर र ४५१ नमूनाको एन्टिजेन विधिबाट परीक्षण भएको थियो।
सोमबार थप ३६ जना कोरोनामुक्त भएका छन्। योसहित हालसम्म नेपालमा ९ लाख ८८ हजार १५ जना संक्रमितले स्वास्थ्य लाभ गरेका छन्।
पछिल्लो २४ घन्टामा कोरोनाबाट कसैको पनि मृत्यु भएको छैन। मन्त्रालयका अनुसार हाल ५२२ जना सक्रिय संक्रमित रहेका छन्।
