जन्मभुमि खबर ,
पोखरा ।
राष्ट्रिय स्वतन्त्र पार्टी (रास्वपा) का सभापति रवि लामिछाने र तत्कालीन गोर्खा मिडियाका सञ्चालक छविलाल जोशीविरुद्धको मुद्दाको सुनुवाइ आज पनि स्थगित भएको छ । उच्च अदालत तुलसीपुर बुटवलमा न्यायधीशद्वय मिलन राई र सानुमैयाँ डंगोलको इजलासमा पेसी तोकिए पनि लामिछानेका कानुन व्यवसायीले स्थगित गर्न निवेदन दिएपछि सुनुवाइ रोकिएको हो ।
बुटवलको सुप्रिम सहकारी संस्थाको रकम ठगी र संगठित अपराध अभियोगमा थुनामा रहेका उनीहरूको मुद्दामा अहिले चौथोपटक पेसी तोकिएको थियो ।
गत कात्तिक २० गते न्यायाधीश वासुदेव आचार्य र ओमप्रसाद अर्यालको इजलासले सुरु मिसिल ल्याउन आदेश दिएपछि कात्तिक १३ गतेका लागि पेसी तोकिएको थियो । तर छविलाल जोशीका कानुन व्यवसायीले सुनुवाइ स्थगन गर्न निवेदन दिएपछि रोकिएको थियो ।
बिगो बमोजिमको रकम बुझाइ थुनाबाहिरै बसेर मुद्दा लड्न माग गर्दै लामिछानेले उच्च अदालतमा निवेदन दिएका हुन् ।
