जन्मभुमि खबर ,
पोखरा ।
नवनियुक्त दुई मन्त्रीले शपथ लिएका छन् । आइतबार राष्ट्रपति रामचन्द्र पौडेलले शीतल निवासमा दुई मन्त्रीलाई पद तथा गोपनीयताको शपथ गराएका हुन् ।
शपथ लिनेमा सुधा शर्मा गौतम र बब्लु गुप्ता रहेका छन् । यसअघि प्रधानमन्त्री सुशीला कार्कीको सिफारिसमा राष्ट्रपति पौडेलले शर्मालाई स्वास्थ्य तथा जनसङ्ख्या र गुप्तालाई युवा तथा खेलकुद मन्त्रीमा नियुक्त गरेका थिए ।
यस्तै मन्त्रीमा सिफारिस भएकामध्ये खगेन्द्र सुनार र गणपतिलाल श्रेष्ठको विवाद भएपछि शपथ रोकिएको छ । सुनारलाई श्रम, रोजगार तथा सामाजिक सुरक्षा र श्रेष्ठलाई संस्कृति, पर्यटन तथा नागरिक उड्डयन मन्त्रालयको जिम्मेवारी दिनेगरी राष्ट्रपतिसमक्ष सिफारिस भएको थियो । तर सुनारका अनेक काण्ड प्रमाण बाहिर आएपछि शपथ ग्रहण रोकिएको हो भने श्रेष्ठको शपथ रोकिनुको कारण खुलिसकेको छैन ।
यसअघि सात सदस्यीय मन्त्रिमण्डल बनिसकेको छ ।
