जन्मभुमि खबर ,
पोखरा ।
पोखरामा बस दुर्घटना हुँदा दुई जना घाइते भएका छन ।
पोखरा महानगरपालिका वडा नम्बर २२ शान्तिस्तुफा नजिकै पुम्दिकोटबाट छोरेपाटनबाट आउदै गरेको नव युग डान्स क्लब दाङबाट भ्रमणको लागि आएको रा १ ख २१०६ नम्बरको मिनि बस चालकले नियन्त्रण गुमाइ सडक छेउमा रहेको तिजुको रुखमा बस अड्किएको थियो ।
घाइते हुनेमा दाङ तुलसीपुर उपमहानगरपालिका ४ बस्ने १७ वर्षीया सन्ध्या रसाइली र दाङ तुलसीपुर उपमहानगरपालिका कै १९ वर्षीया मनिषा रसाइली सामान्य घाइते भएका छन ।
बसमा सवार ७ जना महिला र १७ जना पुरुष गरि २४ जना रहेकामध्ये २ जनालाइ उपचारको लागि नमस्ते अस्पताल बिरौटा पठाइएको जिल्ला प्रहरी कार्यालय कास्कीले बताएको छ ।
