जन्मभुमि खबर ,
पोखरा ।
पोखरामा आफ्नै श्रीमतीलाई खुकुरी प्रहार गरी हत्या गर्ने एकजना पक्राउ छन् । पक्राउ पर्नेमा कास्की अन्नपुर्ण गाउँपालिका १ नौडाँडा घर भइ पोखरा महानगरपालिका–८ बस्ने ४२ वर्षीय जहरसिंह कुँवर छन् ।
उनले आफ्नो श्रीमती ४० वर्षीया राधिका कुँवरलाई घाँटीमा र पेटमा धारिलो हतियार (खुकुरी) प्रहार गरेको जिल्ला प्रहरी कार्यालय कास्कीले जनाएको छ ।
कुँवरको १ जना छोरा रहेको प्रहरीले बताएको छ ।
सामान्य विवादको कारण श्रीमानको खुकुरी प्रहारबाट घाइते भएकी राधिकाको उपचारको क्रममा पश्चिमाञ्चल क्षेत्रीय अस्पतालमा मृत्यु भएको कास्की प्रहरीका सूचना अधिकारी डिएसपी बसन्तकुमार शर्माले जानकारी दिए ।
खुकुरी प्रहार गर्ने जहरसिंहलाई खुकुरी सहित पक्राउ गरी थप अनुसन्धान भइरहेको डिएसपी शर्माले बताए ।
