जन्मभुमि खबर ,
पोखरा ।
चितवनको मुग्लिङ–नारायणगढ सडकखण्डको सिमलतालमा बस र ट्रक ठोक्किएका छन् ।
आज बिहान नारायणगढतर्फ गइरहेको एआर ०१–३६७४ नम्बरको भारतीय यात्रुवाहक बस र मुग्लिङबाट जाँदै गरेको ग २ ख ११०८ नम्बरको ट्रक ठोक्किएका हुन् ।दुर्घटनामा तीनजना घाइते भएका छन् ।
घाइते हुनेमा ट्रक चालक, सहचालक र अन्य एकजना छन् । तीनैजनालाई उपचारका लागि भरतपुर लगिएको छ ।
बसमा सवार अन्य कोही पनि घाइते नभएको प्रहरीले जनाएको छ ।
जिल्ला प्रहरी कार्यालयका डीएसपी भेषराज रिजालका अनुसार बसका चालक फरार छन्।
घाइतेहरूलाई उपचारका लागि नजिकैको अस्पताल लगिएको पनि जानकारी दिए ।
