जन्मभुमि खबर ,
पोखरा ।
विराटनगरबाट उदयपुर गाइघाट जाँदै गरेको यात्रुवाहक बस सप्तकोशी नदीमा खसेको छ । सुनसरी प्रहरीका अनुसार साँझ ६ बजेतिर यात्रु बस सप्तकोशी ब्यारेजको ३४ र ३६ नम्बरको ढोकाको बिचबाट झरेको थियो ।
नदीबाट २० जनाको उद्धार गरिएको छ । उनीहरूको स्थानीय स्वास्थ्यसंस्थामा उपचार भइरहेको छ ।
बसमा सवार यात्रुको संख्या यकिन हुन बाँकी छ , बसमा यात्रुको उद्दारमा सुनसरी र सप्तरीका प्रहरी परिचालन भएका छन् ।
जिल्ला प्रहरी कार्यालय इनरुवाको टोली घटनास्थल पुगेको र थप खोजी कार्यमा प्रहरी खटिएको बताइएको छ । बस अनियन्त्रित भई पुलबाट तल खसेको प्रत्यक्षदर्शीलाई उद्धृत गर्दै प्रहरीले जनाएको छ ।
