जन्मभुमि खबर ,
पोखरा ।
पोखराका लागि उडेको बुद्ध एअरको जहाजमा समस्या आएपछि काठमाडौँ फर्काइएको छ । ‘नाइन एन एएमडी’ कलसाइन भएको उडान नं. ६५५ को जहाजलाई काठमाडौँ फकाइएको हो ।
बुद्ध एअरका अनुसार जहाजमा प्राविधिक समस्या देखिएपछि काठमाडौँ फर्किइएको हो । बुद्ध एअरले जहाज फर्केको जानकारी दिदै भनेको छ, ‘काठमाडौंबाट पोखरा उडान नं. ६५५, कल साईन नाइन एन एएमडी मा प्राविधिक समस्या देखिएको हुँदा जहाजलाई पुनः काठमाडौं सुरक्षित अवतरण गरिएको छ । सो जहाजका यात्रुलाई अर्को जहाजबाट पोखरा पठाउन लागिएको छ ।’
याे जहाज सन् २००६ नोभेम्बरमा फ्रान्सको एयर क्यालिडोनिया एयरलाइन्स कम्पनीले पहिलोपटक खरिद गरेर सन्चालनमा ल्याएको थियो । यो विमान सन् २०१७ फेब्रुअरीमा नेपालको बुद्ध एयरले खरिद गरेको थियो । ७ वर्षदेखि नेपालमा उडिरहेको यो विमान १८ वर्षदेखि सञ्चालनमा छ ।
