जन्मभुमि खबर ,
पोखरा ।
चितवनको कालिका नगरपालिका-६ स्थित खोलेसिमलमा रहेको सुनचाँदी पसलमा हतियार देखाएर ३ किलो सुन लुटपाट भएको छ ।
स्थानीय विनोद सुनारको पसलमा शनिबार राती पसल ८ : ४० को समयमा आएको समूहले हतियार देखाएर लुटपाट गरिएको चितवन प्रहरीले जनाएको छ ।
प्रहरीका अनुसार समूहले पसलबाट ३५ किलो चाँदी, ३ किलो सुन र दुई लाख रुपियाँ लुटेका छन् । सञ्चालक सुनारका अनुसार पसल बन्द गर्न अगाडिका दुई सटर झारिसकेको र एउछा मात्रै ढोका बन्द गर्न लाग्दा समूहमा आएका लुटेराले पेस्तोल देखाएर लुटपाट गरेका थिए ।
साथै उनीहरुले सुन पसलमा जडान गरिएको सिसिटिभिको हार्डडिक्स समेत लगेका छन् ।
यता जिल्ला प्रहरी कार्यालय चितवनले भने लुटपाटमा संलग्न भएको आशंकमा ४ जनालाई पक्राउ गरेको जनाएको छ ।
