जन्मभुमि खबर ,
पोखरा ।
क्रिकेटर सन्दीप लामिछाने आईसीसी टी- २० विश्वकप खेल्नका लागि वेस्ट इन्डिज प्रस्थान गर्ने भएका छन् । नेपाल क्रिकेट संघ क्यानले सोमबार एक विज्ञप्ति जारी गर्दै विश्वकप खेल्न सन्दीप जाने जानकारी दिएको हो ।
क्यानले पूर्वघोषित टोलीबाट युवा बलर प्रतिश जिसीलाई ट्राभलिङ रिजर्भमा राखेर सन्दीपलाई १५ सदस्यीय टोलीमा समावेश गरिएको क्यानले जानकारी दिएको छ । सन्दीप १६ मे देखि नै नेपालको अफिसियल स्क्वाडमा रहेको पनि क्यानले जानकारी दिएको छ ।
तर, अमेरिकी भिसा नपाए पनि वेस्टइन्डिजमा हुने दक्षिण अफ्रिका र बंगलादेशविरुद्धको खेलमा सन्दीप सहभागी हुने क्यानले जानकारी दिएको छ ।
