जन्मभुमि खबर ,
पोखरा ।
पोखराको गोैंडाकोमुखमा सोमबार बिहान गुडिरहेको टिप्परमा मोटरसाइकल ठोक्किँदा एक जना घाइते भएका छन् । भने एक जनाको उपचारको क्रममा मृत्यु भएको छ ।
बिपी मार्गबाट लामाचौर जाँदै गरेको ग १ ख ६३९४ नम्बरको को टिप्परमा सोही दिशातर्फ जाँदै गरेको लु८७प ९५२० नम्बरको मोटरसाइल ठोक्किँदा त्यसमा सवार २ जना घाइते भएको जिल्ला प्रहरी कार्यालय कास्कीले जानकारी दिएको छ ।
उनका अनुसार सो दुर्घटनामा परि मोटरसाइकल चालक पोखरा महानगरपालिका–१४ चाउथे बस्ने २९ वर्षीय कमल थापा क्षेत्रीको र स्याङ्जाको अर्जुनचौपारी गाउँपालिका घर भई पोखरा १३ काँहुखोला बस्ने बबिता रिमालको उपचारको क्रममा मृत्यु भएको छ ।
घाइते मध्ये गम्भीर भएकी रिमालको गण्डकी मेडिकल कलेजमा उपचारको क्रममा मृत्यु भएको हो अहिले मोटरसाइकल चालक थापाको भने उपचार भइरहेको छ ।
दुर्घटनापछि टिप्पर र चालकलाई नियन्त्रणमा लिइएको कास्की प्रहरीले जनाएको छ ।
