जन्मभुमि खबर ,
पोखरा ।
कास्कीको अन्नपूर्ण गाउँपालिकामा बिहीबार बिहान बस दुर्घटना हुँदा ८ जना घाइते भएका छन् । काठमाडौंबाट म्याग्दी बेनी जाँदै गरेको बा ५ ख २८५ नं.को बस बिहान करिब पौने ४ बजे अन्नपुर्ण-१, लेवाडेमा दुर्घटना भएको थियो ।
१३ जना सवार उक्त बसका चालकसहित ८ जना घाइते भएको जिल्ला प्रहरी कार्यालय कास्कीले जानकारी दिएको छ । घाइतेहरुको पोखराकै विभिन्न अस्पतालमा उपचार भइरहेको र उनीहरुको अवस्था सामान्य रहेको डीएसपी वसन्तकुमार शर्माले जानकारी दिए । एकजनाको म्याग्दी बेनीमा उपचार भइरहेको छ ।
बस सडकको दायाँ साइडतर्फ नालामा पल्टिएर दुर्घटना भएको जिल्ला प्रहरी कार्यालय कास्कीले बताएको छ ।
