जन्मभुमि खबर ,
पोखरा ।
पोखरा महानगरपालिका वडा २२ पुम्दी-भुम्दिमा विभिन्न सामाजिक कार्यमा सक्रिय परिवर्तन युवा क्लबको भित्तेपात्रो विमोचन ,ठुलिबिडी खेल मैदान उद्वघाटन एवं नयाँ वर्ष २०८१ को शुभकामना आदानप्रदान कार्यक्रम शनिबार सम्पन्न भएको छ ।
उक्त कार्यक्रमको अवसरमा छेलो हान्ने तथा घैटो फुटाउने प्रतियोगिता पनि भएको थियो । छेलो हान्ने तर्फ खुसिराम बराल प्रथम र राजन बराल द्दितिय भएका थिए भने घैटो फुटाउने तर्फ सरोज बराल विजेता भएका थिए ।
गण्डकी प्रदेशका पुर्व अर्थमन्त्री एबम नेकपा माओबादी केन्द्र कास्की जिल्ला इन्चार्ज रामजी बराल जिवनको प्रमुख आतिथ्यतामा,क्लबका अध्यक्ष नरेन्द्र बरालको अध्यक्षता र कार्यक्रम संयोजक एबम सचिव सुदिप बराल द्दारा संचालित उक्त कार्यक्रममा पो.म.न.पा २२ का वडा अध्यक्ष,जिल्ला समन्वय अधिकारी ,वडा सदस्य,बिभिन्न राजनीतिक दल ,युवा क्लब,विभिन्न टोल बिकासका प्रतिनिधिहरु,बिद्यालयका प्रअ हरु एवं आमा समुहको उपस्थिति रहेको थियो ।
