जन्मभुमि खबर ,
पोखरा ।
पोखरामा यति एयरलायन्सको जहाज दुर्घटना भएको आज एक वर्ष पुगेको छ ।
गत वर्ष २०७९ माघ १ गते काठमाडौंबाट पोखरा आउनेक्रममा पोखराको सेती खोँचमा बिहान १० बजेर ५७ मिनेटमा यति एयरको जहाज दुर्घटना भएको थियो ।
सो दुर्घटनामा क्यपाटेन सहित ७२ जनाले ज्यान गुमाएका थिए ।
यसैबीच आज दुर्घटना स्थलमा पोखरा महानगरले दुर्घटनास्थलसँगै स्मृति स्तम्भ बनाएको छ । दुर्घटनामा निधन भएका सबैको नाम, ठेगानासमेत राखिएको स्तम्भ पोखरा महानगरका प्रमुख धनराज आचार्यले अनावरण गरेका छन ।
दुर्घटनास्थलमा व्यवस्थित पार्क बनाउन यसपालि १० लाख बजेट विनियोजन गरेको बताए । “सेतीका दुवैतिरका वडाध्यक्षज्यूहरूलाई यसलाई व्यवस्थित गर्ने जिम्मेवारी दिएका छौँ । यहाँ र व्यवस्थित पार्क बनाउने छौँ,” उनले भने।
यसैबीच वडा नम्बर ७ र १५ को बिचमा पर्ने सेतीखोंचमा सानो झोलुङ्गे पुल समेत निर्माण गरिने आचार्यले बताए ।
दुर्घटना स्थलमा अझै यति एअरको जहाजका भागहरू बाँकी छन् । दुर्घटना स्थलको खोचमा झाडी पलाइसकेको छ ।
जहाज दुर्घटनाबारे जाँचबुझका लागि गठित उच्चस्तरीय जाँचबुझ आयोगले चालककै लापरबाहीले जहाज दुर्घटना भएको निष्कर्ष निकालेको छ ।
पोखरा विमान दुर्घटनाको एक वर्ष : प्रियजन गुमाउनेहरुको उस्तै छ पीडा
