जन्मभुमि खबर ,
पोखरा ।
पोखरामा जिप दुर्घटना हुँदा एक जनाको मृत्यु भएको छ भने दुई जना घाइते भएका छ्न ।
आज बिहान ९ बजेर १५ मिनेटमा पोखरा महानगरपालिका वडा नम्बर १८ चिसाखोला नजिक मेथलाङबाट बागलुङ बसपार्कतर्फ आउँदैं गरेको जीप आज विहान दुर्घटना हुँदा चालकको मृत्यु भएको छ भने दुईजना वृद्धा घाईते भएका छन् । जीप सडकको दायाँतर्फ अन्दाजी २० मिटर तल खस्न पुगेको थियो ।
ग ३ च २६०३ नम्बरको दुध बोक्ने सिङ्गल क्याप बोलेरो जीप दुर्घटना हुँदा चालक पोखरा–१८, ग्यारजाती बस्ने ४९ वर्षीय कृष्णबहादुर थापाको उपचारका क्रममा मृत्यु भएको हो । जीपमा सवार सोही ठाउँ बस्ने ६९ वर्षीया हिमकला थापा र ७० वर्षीया चन्द्रकला थापा घाईते भएका थिए ।
घाईते हिमकलाको टाउकोमा र चन्द्रकलाको ढाडमा चोट लागेको छ । घाईतेहरुको मणिपाल शिक्षण अस्पतालमा उपचार भईरहेको जिल्ला प्रहरी कार्यालय कास्कीले जानकारी दिएको छ । घटना लगत्तै वडा प्रहरी कार्यालय बगरबाट प्रहरी निरिक्षकको कमाण्डमा १३ जनाको टोली खटिएर घाईतेहरुको उद्धार गरेको थियो ।
