जन्मभुमि खबर ,
पोखरा ।
नारायणगढ-मुग्लिन सडक खण्डअन्तर्गत चितवनको इच्छाकामना गाउँपालिका ५, स्थित त्रिशूली नदीमा भारतीय नम्बर प्लेटको बलेरो गाडी खसेको भेटिएको छ ।
आज बिहान ४:४० बजेको समयमा ३ नम्बर पुलनजिक सडकबाट ८०/८५ मिटर तल त्रिशूली नदीको पानीभित्र बत्ती बलेजस्तो देखिएपछि प्रहरीलाई खबर पुगेको थियो ।
घटनास्थलमा बीआर ०९ जीसी १४३० नम्बरको प्लेट फेला परेको छ । जिल्ला प्रहरी कार्यलाई चितवनका प्रहरी उपरीक्षक रामेश्वर कार्कीले गोताखोरको टोलीले खोजी कार्य गर्दा सेतो रङको भारतीय बलेरो फेला परेको जानकारी दिए । उनका अनुसार सिंगल क्याबको उक्त गाडीभित्र मान्छे भेटिएको छैन । गाडी चालक सम्पर्कमा नआएको प्रहरीले जनाएको छ ।
दुर्घटनामा मानिस परे नपरेको अझै खुल्न सकेको छैन् । घटनास्थलमा २ जोर चप्पल पनि फेला परेको प्रहरीले जनाएको छ । तर, नदीमा गाडीसंगै कुनै मानविय क्षति हालसम्म पुष्टी नभेटिएको मुग्लिङ प्रहरीले जनाएको छ ।
