जन्मभुमि खबर ,
पोखरा ।
स्याङ्जामा बसको ठक्करबाट एक जनाको मृत्यु भएको छ।
सोमबार बिहान पौने ९ बजे कालीगण्डकी गाउँपालिका वडा नम्बर ७ आँधीमुहान ड्यामस्थित भित्री सडकमा बसले पैदलयात्रीलाई ठक्कर दिएको जिल्ला प्रहरी कार्यालयका डिएसपी इन्द्रबहादुर रानाले जानकारी दिए।
उनका अनुसार जयपतेबाट रिडी जाँदै गरेको ग १ ख ४१५० नम्बरको बसले पैदल हिँडिरहेका ३० वर्षीय अजित बोटेलाई ठक्कर दिएको थियो।
ठक्कर पछि बोटेको घटनास्थलमै मृत्यु भएको डिएसपी रानाले बताए।
घटनासम्बन्धी प्रहरीले थप अनुसन्धान अघि बढाएको छ।
