जन्मभुमि खबर ,
पोखरा ।
पोखराको मित्रमिलन सहकारी ठगी आरोपमा ३० जनालाई पक्राउ पुर्जी जारी भएको छ ।
सहकारीको रकम हिनामिना पारेको उजुरीका आधारमा ३० जनालाई पक्राउ पुर्जी जारी भएको कास्की प्रहरी निमित्त प्रमुख श्रवण विकले जानकारी दिए ।
पोखरा–२१ का वडाध्यक्ष दीपक सुवेदी, उपाध्यक्ष विजय लम्साल, सहकारीका पूर्व लेखा सदस्य तथा ताण्डव न्युज पत्रिकाका प्रधान सम्पादक अर्जुन गिरी, कानुन व्यवसायी जनकल्याण पराजुली लगायतलाई पक्राउ पुर्जी जारी भएको हो ।
अध्यक्ष रमण पौडेल र प्रवन्ध निर्देशक किरण अधिकारी यसअघि नै बैंकिङ कसुरमा पक्राउ परी प्रहरी हिरासतमै छन् ।
प्रहरीले पक्राउ पुर्जी जारी भएकाहरूको खोजी गरिरहेको छ ।
नयाँ बजारस्थित सहकारीका सञ्चालक र अन्य मिलेर करिब २७ करोड रकम हिनामिना पारेको आरोप छ ।
