जन्मभुमि खबर ,
पोखरा ।
पोखरामा छुट्टाछुट्टै ठाउँबाट लागुऔषध सहित २ जना पक्राउ परेका छन ।
शुक्रबार बेलुका ७:३० बजेको समयमा इलाका प्रहरी कार्यालय शिशुवाबाट खटिएको टोलिले डाईजापाम १२ एम्पुल, फेनेरागन १२ एम्पुल र नुर्फिन १२ एम्पुल गरी जम्मा ३६ एम्पुल सहित पक्राउ गरेको जिल्ला प्रहरी कार्यालय कास्कीले जनाएको छ ।
पक्राउ पर्नेमा पोखरा महानगरपालिका वडा नम्बर २६ सक्नेरी बस्ने २९ बर्षका राजु भुजेल रहेका छन ।
यसैगरी शनिबार बेलुका ८:३० बजेको समयमा नै इलाका प्रहरी कार्यालय शिशुवाबाट खटिएको टोलिले पृथ्वी राजमार्गमा शंकास्पद अवस्थामा हिडिरहेका युवकलाई लागुऔषध गाँजा २ किलो ५०० ग्राम सहित पक्राउ परेका छन ।
पक्राउ पर्नेमा तनहुँ शुक्लागण्डकी नगरपालिका वडा नम्बर १ स्थाइ घर भइ हाल पोखरा महानगरपालिका वडा नम्बर ३२ लामेआहाल बस्ने २६ बर्षका डेमन्स बहादुर गुरुङ रहेका छन ।
निजहरूलाई नियन्त्रणमा लिई कास्की जिल्ला अदालतबाट लागू औषध सम्बन्धी मुद्दामा १० दिनको म्याद थप गरी अनुसन्धान प्रक्रिया अगाडी बढाएको प्रहरीले जनाएको छ ।
