जन्मभुमि खबर ,
पोखरा ।
पोखरा महानगरपालिका ११ फूलबारीमा गए राती स्कुटर र मोटरसाइकल बसमा ठोकिँदा २ जना घाइते भएका छन् ।
ग १३ प ७४०५ नम्बरको स्कुटर र ग १६ प ९९०८ नम्बरको मोटरसाइकल एक आपसमा ठक्कर खाई अनियन्त्रित भई ना ५ ख १२३ नम्बरको बसमा ठोकिँदा २ जना घाइते भएको जिल्ला प्रहरी कार्यालय कास्कीले जनाएको छ ।
स्कुटर चालक पोखरा बाझापाटन २८ वर्षीय सुदिप गुरुङ र नदिपुरका २० को क्षितिज नेपाली घाइते भएको कास्कीका प्रहरी प्रमुख एसपी मोहन थापाले जानकारी दिए ।
घाइतेको टाउकोमा चोट लागेको र पश्चिमाञ्चल क्षेत्रीय अस्पताल उपचार भइरहेको एसपी थापाले बताए ।
सबै सवारी साधन र बस चालक प्रहरी नियन्त्रणमा रहेको छ ।
